• Д-р Билјана Лалчевска Серафимовска
  Директор
• М-р Дарко Багески
  Уметнички директор
• Д-р Томислав Таневски
  Стручен соработник за музичко сценска дејност

Почитувани љубители на гитарата,

Пред 10 години се роди идејата да се организира фестивал и меѓународен натпревар за класична гитара ТРЕМОЛО, прв од ваков вид во нашата земја. Низ годините, овој фестивал прераснува во културна манифестација која ги обединува љубителите на класичната гитара.

Детскиот културен центар – Карпош има долга и богата традиција во однос на организација на многубројни културни настани и манифестации, за кои сведочат многубројни признанија и награди, а со овој фестивал кој е поддржан и од градот Скопје, ја збогатија културната сцена наречена гитара, музика, инспирација …

Во текот на изминатите години многу еминентни солисти и педагози, светски познати уметници од областа на класичната гитара, придонесоа овој фестивал да стане препознатлив со својата уникатност.

Секое издание од овој фестивал е своја приказна, инспирaција за младите генерации во нивната културна формација.

Со успешната реализција на фестивалот ТРЕМОЛО – Скопје, Детскиот културен центар – Карпош учествува во развојот на овој тип на уметност во нашата земја.

Успехот, е начин на мислење и навика и тој доаѓа кога раката, срцето и мозокот работат заедно!

Ние силно веруваме во светлата иднина на фестивалот ТРЕМОЛО.